काठमाडौं–छायांकनको तयारीमा रहेको फिल्म ‘शमशेर’बाट अभिनेता मनीष राउतले निर्देशनमा डेव्यु गर्ने भएका छन् । फिल्ममा उनको अभिनय पनि हुनेछ । फिल्ममा अभिनेता अभिनेता सुनिल थापा जोडिएका छन् ।
ओस्कार कलेजबाट फिल्म निर्माणमा स्नातक गरेका मनीष अहिले एभरेष्ट फिल्म एकेडेमीमा प्रशिक्षकको रुपमा काम गरिरहेका छन् । उनले फिल्मको स्कृप्ट राम्रो रहेकाले आफूले निर्देशनको पनि जिम्मेवारी लिएको बताए ।
फिल्मका लागि अभिनेत्री छनोट भएसँगै वर्कसप गरेर छायांकन सुरु गरिने खुलाए । फिल्म गौरव पहारी, हिमेश पन्त, सुमन गौतम, दिपक कोइराला, सुमन थापा, सबिन शाक्य, रुपेश कार्की, रुपेश लामा, आशिस पराजुली, प्रकाश शाहलगायतका कलाकारको पनि अभिनय रहनेछ । एक्सन जनरामा निर्माण गरिने फिल्ममा एभरेष्ट फिल्म एकेडेमी र डी आर डेनिमको लगानी छ ।
फिल्मको छायांकन काठमाडौँ, दुबई, सोलुखुम्बु र ढोरपाटनमा गरिनेछ । सीबड्र्स इन्टरटेनमेन्ट र धिरज प्रोडक्सनको सहकार्य रहने फिल्ममा राकेश दाहाल पोस्टर डिजाइन र अर्जुन पोखरेलको संगीत हुनेछ ।
प्रकाशित मिति: बिहीबार, मंसिर ८, २०७९ ०८:५३
प्रतिक्रिया दिनुहोस्
