काठमाडौं - पछिल्लो समय बलिउडमा अक्षयकुमारको फिल्म 'सम्राट पृथ्वीराज' को निकै चर्चा छ । चन्द्रप्रकाश द्विवेदीको निर्देशनमा बनेको यस फिल्म शुक्रबारबाट रिलिज भएको छ । फिल्म सूर्यवंशी पछि अक्षय फिल्म सम्राट पृथ्वीराज मा फरक भूमिकामा देखिएका छन् ।
फिल्ममा उनी सम्राट पृथ्वीराजको भूमिकामा छन् । अक्षय कुमारसँगै सोनु सूद, मानुषि छिल्लर र सञ्जयदत्तको मूख्य अभिनय रहेको यस फिल्मले शुरुको दिन कति कमाई गर्यो सार्वजनिक भएको छैन । तर हलमा भने दर्शक देखिएको भारतिय मिडियाहरुले बताएका छन् ।
अक्षयको यस फिल्मसँग अरु २ ठुला फिल्मले पनि टक्कर दिने भएका छन् । साउथ सुपरस्टार कमल हासनको फिल्म ‘विक्रम’ र फिल्म 'मेजर' पनि चर्चामा र्आएका फिल्म हुन् ।
लोकेश कनगराजले निर्देशन गरेको फिल्म ‘विक्रम' अग्रिम बुकिङबाट ११.५५ करोड कमाइसकेको छ । यस्तै अदिवि शेषले मेजरको भुमिका निभाएको फिल्म 'मेजर' ले पनि एडभान्स बुकिङबाट कुल २.९० करोड कमाएको छ । अब यी ३ फिल्मको कडा टक्कर हुने देखिएको छ । कुन फिल्मले कसलाई प्रभाव पार्छ त हेर्न बाकीँ नै छ ।
प्रकाशित मिति: बिहीबार, मंसिर ८, २०७९ ०८:५२
प्रतिक्रिया दिनुहोस्
