काठमाडौं—सन्तोष सेन र छेतेन गुरुङ निर्देशित फिल्म ‘प्रेमगीत ३’ भारतमा ‘विश्वजितम’ नामबाट प्रदर्शनमा आउने भएको छ । फिल्मका निर्मातासमेत रहेका सन्तोषले फेसबुकमार्फत यो कुराको जानकारी दिएका हुन् ।
सन्तोषका अनुसार इण्डियन मोसन पिक्चर प्रोड्युसर्स एशोसिएनले एक पत्र लेख्दै फिल्म ‘विश्वजितम’ नामबाट रिलिज हुन लागेको जानकारी दिएका हुन् ।
‘निरन्तर काम प्रतिको इमानदारिता, मेहनत, धैर्यता पश्चात ‘प्रेम गीत ३’ हिन्दी भाषामा ‘विश्वजितम्’ नाम मार्फत भारतसँगै विश्वभरी चलचित्र प्रेमी दर्शकहरु माझ आउनेछ । प्रदर्शन गर्ने चर्चित वितरक कम्पनी र प्रदर्शन मिति चाँडै ‘विश्वजितम्’ पोस्टरसहित’, उनले लेखेका छन् ।
फिल्ममा प्रदीप खड्का, कृष्टिना गुरुङ, शिव श्रेष्ठलगायतको अभिनय रहेको छ । फिल्म नेपालमा असोज ७ गते रिलिज हुँदैछ ।
प्रकाशित मिति: बिहीबार, मंसिर ८, २०७९ ०८:५२
प्रतिक्रिया दिनुहोस्
