काठमाडौं – अभिनेता दयाहाङ राई अभिनित फिल्म 'कबड्डी ४' दोस्रो सातामा प्रबेश गरेको छ । रामबाबु गुरुङले निर्देशनमा तयार भएको यस फिल्मले शुरुवातदेखि नै राम्रो कमाई गर्दै आइरहेको छ ।
यस फिल्मले ओपनिङमै कीर्तिमान रचेको थियो । फिल्मका वितरकका अनुसार यस फिल्मले एक सातामा १५ करोड कमाउन सफल भएको छ ।
प्रदर्शन भएको दिनदेखि ५ दिनसम्म आइपुग्दा फिल्मले १० करोड कमाउन सफल भएको थियो । यस फिल्मले पहिलो सातामा धेरै कमाउने फिल्म पनि बनेको छ । यसअघि फिल्म 'कबड्डी' कै तेस्रो सिरिजले पनि एक सातामा १५ करोड कमाउन सकेको थिएन ।
त्यति मात्र नभई 'कबड्डी ४' सर्वाधिक अग्रिम टिकट बुकिङ हुने फिल्म पनि बनेको छ । यस फिल्ममा दयाहाङ राई, सौगात मल्ल, बुद्धि तामाङ, विजय बराल, गौमाया यात्री, पुष्कर गुरुङ, कमलमणि नेपाल लगायतका कलाकारको अभिनय रहेको छ ।
प्रकाशित मिति: बिहीबार, मंसिर ८, २०७९ ०८:५२
प्रतिक्रिया दिनुहोस्
