काठमाडौँ– मलेसियामा जारी आईसीसी यू-१९ महिला टी-ट्वान्टी विश्वकप एसिया छनोट अन्तर्गत नेपालले आज युएईसँग प्रतिस्पर्धा गर्दैछ ।
मलेसियाको यूकेएम ओभलमा नेपाल र युएईबीचको खेल बिहान ११ बजे सुरु हुनेछ ।
आज नेपाल लगातार दोस्रो जित निकाल्ने योजनामा रहेको छ । शुक्रबार नेपालले कतारलाई ७९ रनले हराएको थियो।
पहिलो खेलमा युएईले भुटानलाई १ सय ६० रनले हराएको थियो ।
छनोटमा नेपालसहित, आयोजक मलेसिया, युएई, थाइल्याण्ड, भुटान र कतार रहेका छन् । शीर्ष टोलीले दक्षिण अफ्रीकाको टिकट काट्ने छन् ।
यस्तै नेपालले भुटानविरुद्ध सोमबार खेल्दा मंगलबार थाइल्याण्ड र बिहीबार मलेसियाविरुद्ध खेल्नेछ ।
प्रकाशित मिति: बिहीबार, मंसिर ८, २०७९ ०३:४२
प्रतिक्रिया दिनुहोस्
