लसएञ्जल्स– कोलम्बियन प्रख्यात पप गायिका शाकिरा तथा स्पेनका दिग्गज दिग्गज फूटबल जेराड पिके औपचारिक रुपमा अलग्गिएका छन् । दुवैले शनिबार संयुक्त विज्ञप्ती जारी गदैै आफुहरुले वैवाहिक सम्बन्धलाई टुंग्याएको घोषणा गरेका छन् ।
फूटबल क्लब बार्सिलोनाको सेन्टर—ब्याक खेलाडी जेराड र साकिरा ११ वर्षदेखि वैवाहिक जीवनमा थिए । उनीहरुका दुई सन्तान छन् ।
‘हामीले आ—आफ्नो बाटो तय गर्न लागेको घोषणा गर्न पाउदा दुःख लागेको छ’, विज्ञप्तीमा भनिएको छ,‘हामीले अहिले दुई सन्तानलाई उच्च प्राथमिकतामा राखेका छौं । हामी उनीहरुको गोपनियतालाई सुरक्षित राख्न तपाईंहरुले सहयोग गर्नुहुनेछ भन्ने चाहन्छौं ।’
स्पेनका सञ्चारमाध्यमले साकिराले जेराड माथि अन्य महिलासँग सम्बन्ध रहेको र आफूलाई धोका दिएको आरोप लगाएको उल्लेख गरेका छन् ।
जेराड अन्य महिलासँग सम्बन्धमा थिए । जसकारण उनीहरुले अलग्गिने निर्णय लिएका हुन् । शाकिरा र जेराड हलिउडको रुचाइएका जोडीमा पर्छन् । दुवै दक्षिण अफ्रिकामा सन् २०१० मा भएको विश्वकपपछि नजिकिएका थिए । त्यो बेलाको चर्चित फुटबल गीत ‘वाका–वाका’मा उनीहरुसँगै देखिएका थिए ।
जेराड बार्सिलोनाको केल मुन्टानेरमा एक्लै बस्दै आएका छन् । स्पेनिस पत्रिका अल पीरियोडिकोका अनुसार जेराड का छिमेकीहरुले कैयौं पटक उनीहरुलाई एक घरमा आउजाउ गरिरहेको देखेका छन् । यसबाहेक उनी बार्सिलोनाको रात्री जीवनमा पनि रमाइरहेका छन् ।
उनीहरुबीच १० वर्षको उमेर अन्तर छ । जेराड शाकिरा भन्दा १० वर्ष कान्छा हुन् । उनीहरुको दुई सन्तान छन् ।
प्रकाशित मिति: बिहीबार, मंसिर ८, २०७९ ०९:१८
प्रतिक्रिया दिनुहोस्
