काठमाडौं–पपगायक सञ्जय श्रेष्ठले आगामी प्रतिनिधिसिभा निर्वाचनमा काठमाडौं क्षेत्र नम्बर ६ बाट स्वतन्त्र उम्मेदवारी दिने घोषणा गरेका छन् । उनले फेसबुकमार्फत उम्मेद्वारीको घोषणा गरेका हुन् ।
‘मेरो पार्टीले मलाई टिकट दिए पनि नदिए पनि आउँदो मंसीरतिर हुने प्रतिनिधिसिभाको निर्वाचनमा काठमाडौंको क्षेत्र नम्बर ६ बाट फेरी उम्मेदवारी दिने निर्णय गरें । अब बाँकी तपाईंहरुको साथ र विश्वास,’सञ्जयले लेखेका छन् ।
सञ्जयले यसअघि २०७० सालमा भएको दोस्रो संविधानसभा निर्वाचनमा राप्रपा नेपालको तर्फबाट उम्मेदवारी दिएका थिए । राष्ट्रिय प्रजातन्त्र पार्टीमा राजेन्द्र लिङ्देन नेतृत्वमा आएपछि उनी गत मंसीरमा राप्रवा प्रवेश गरेका थिए ।
सञ्जयका गीतहरु ‘माया मेरी माया’, ‘घुम्दा घुम्दै’, ‘अञ्जान मायालु’, ‘टाढा नगइदेऊ तिमी’लगायतका गीत लोकप्रिय छन् ।
प्रकाशित मिति: बिहीबार, मंसिर ८, २०७९ ०९:१७
प्रतिक्रिया दिनुहोस्
