काठमाडौं – बलिउडका चर्चित अभिनेता हुन् शाहरुख खान । बलिउडका बादशाह भनेर पनि चिनिने शाहरुखका फ्यान फलोइङ पनि करोडौं छन् । अहिले उनी फिल्म जवान लाई लिएर चर्चामा छन् । हालै फिल्म जवानको टिजर पनि ससार्वजनिक भएको थियो । दक्षिण भारतीय निर्देशक एटली कुमारले निर्देशन गरेको यो फिल्ममा शाहरुख मुख्य भूमिकामा छन् । उनीसँगै नयनतारा, सान्या मल्होत्रा र सुनील ग्रोवरको पनि अभिनय रहेको छ । खासमा यस फिल्ममा पहिलो रोजाइमा अभिनेत्री नयनतारा थिइनन् । यो फिल्मका लागि समान्था रुथ प्रभुलाई अफर गरिएको थियो । तर उनी फिल्म खेल्न मानिनन् । पति नागा चैतन्यको साथमा पारिवारीक योजनामा रहेको बेला उनले यो अफर अस्वीकार गरिन् । भारतिय मिडियाका अनुसार खासमा उनले शाहरुखको फिल्ममा अभिनय गर्न चाहेकी थिइनन् । यसै कारण यो फिल्ममा नयनतारालाई ल्याइएको थियो । समान्था र नागाले अलग्गिने घोषणा गरिसकेका छन् ।