मुम्बई— बलिउडका सुपरस्टार शाहरुख खानले हालैमात्र आफ्नो फिल्म ‘जवान’ को टिजर सार्वजनिक गरे । फिल्मको टिजरलाई फ्यानले निकै मनपराएका छन् र यसले प्रतिक्रिया पनि राम्रो पाइरहेको छ । शाहरुखका फ्यानहरु निकै उत्साहित छन् किनकी उनी लामो समयपछि पर्दामा पुनरागमन गर्दैछन् ।
सन् २०२३ मा उनको फिल्म ‘जवान’, ‘पठान’ र ‘डंकी’ जस्ता फिल्म रिलिज हुँदैछन् । यही बीचमा फ्यानका लागि एउटा सुखद समाचार आएको छ ।
निर्माताहरु शाहरुख खानको सुपरहिट फिल्म ‘डन’को तेस्रो भाग ल्याउने तयारीमा छन् । यो कुराको संकेत ‘डन’का निर्माता रितेश सिधवानीले गरेका छन् । उनले आफ्नो ट्वीटर हेण्डलमा एक तस्वीर शेयर गरेका छन् । तस्वीरमा फरहान अख्तर ल्यापटममा काम गरिरहेका छन् ।
उनले क्याप्सनमा ‘सतप्रशित फोकस जब उनी केही लेख्छन् । लामो समयपछि लेखनमा फर्किएका छन् । भन्नुस् त उनले के लेखिरहेका छन् ?’ लेखेका छन् ।
रितेशको यो पोस्टपछि फ्यानले आफ्नो किसिमले अनुमान लगाएका छन् । कतिपयले उनले ‘डन ३’को स्क्रिप्ट लेखिरहेको उल्लेख गरेका छन् । तर उनले के लेखिरहेका छन् भन्ने कसैले खुलाउन चाहेको छैन ।
यदि फरहानले ‘डन ३’कै स्क्रिप्ट लेखिरहेका हुन् भने त्यसमा शाहरुखले प्रमुख भूमिका निभाउने आशा दर्शकको छ । यसबारे निर्माण पक्षले आधिकारिक रुपमा मुख खोलेका छैनन् ।
-बलिउड लाइफ
प्रकाशित मिति: शुक्रबार, मंसिर ९, २०७९ ०७:१७
प्रतिक्रिया दिनुहोस्
