मुम्बई— बक्सअफिसमा फिल्म ‘विक्रम’ले धमाकेदार व्यापार गरिरहेको छ । यहीकारण फ्यानले लोकेशन कनगराजको नयाँ फिल्मको प्रतिक्षा गरिरहेका छन् । तमिल अभिनेता विजय यो समयमा वामसी पडपिल्ली निर्देशित फिल्म ‘थलापति ६६’को सुटिङमा व्यस्त छन् । फिल्ममा विजयसँगै रश्मिका मन्दाना र सरथ कुमारको अभिनय छ ।
‘विक्रम’पछि लोकेश नयाँ प्रोजेक्टमा काम गर्नेछन् । त्यो प्रोजेक्टका लागि हाल अस्थायी नाम ‘थलापति ६७’ राखिएको छ । यसको सुटिङ आगामी अक्टोबरसम्म सुरु हुने बताइएको छ ।
निर्माताले यो फिल्मको स्क्रिप्ट सुपरस्टार रजनीकान्तलाई ध्यान दिँदै लेखे पनि अन्तिम समयमा अभिनेता विजयलाई हेरेर स्क्रिप्टमा संशोधन गरिएको थियो । निर्माण पक्ष यो फिल्ममा प्रमुख भिलनका लागि अभिनेता सञ्जय दत्तलाई लिन चाहन्छन् ।
सञ्जयको पछिल्लो फिल्म ‘केजीएफः च्याप्टर २’मा उनले गरेको अभिनयबाट यति प्रभावित भए कि उनलाई भिलेनका लागि प्रस्ताव नै गरेका छन् । सञ्जय पनि ‘थलापति ६७’ को स्क्रिप्टबाट प्रभावित छन् । तर उनले आफूले अभिनय गर्ने वा नगर्ने भन्ने विषयमा केही बोलेका छन् । निर्माताले अभिनेत्री समान्था रुथ प्रभुलाई प्रमुख भूमिकाका लागि प्रस्ताव गरिसकेका छन् ।
प्रकाशित मिति: बिहीबार, मंसिर ८, २०७९ ०९:४८
प्रतिक्रिया दिनुहोस्
