काठमाडौं–सुपरहिट फिल्म ‘छक्कापञ्जा’को चौथो सिरिजको निर्देशनको जिम्मेवारी हेमराज बिसीले सम्हाल्ने भएका छन् । निर्माता तथा अभिनेता दीपकराज गिरीका अनुसार फिल्मका लागि हेमराजसँग सम्झौता भइसकेको छ ।
दीपकराजले फिल्मको नयाँ नाम नखुलाए पनि स्रोतले फिल्मको नाम ‘माग्ने राजा’ राखिएको जनाएको छ । ‘हामीसँग यसपटक हेमराजजी जोडिनुभएको छ, नयाँ फिल्मलाई हेमराजीले निर्देशन गर्दै हुनुहुन्छ’, दीपकराजले भने, ‘अहिले स्क्रिप्टको काम अन्तिम चरणमा छ । हामी असारको पहिलो साताबाट फ्लोरमा जाँदैछौं ।’
फिल्मका लागि दीपकराज र निर्देशक बिसीले पटकथा लेखिरहेका छन् । दीपकले अघिल्लो तीन सिक्वेल निर्देशन गरिसकेकी दीपाश्री निरौलाले चौथो सिक्वेलमा भने अभिनय गर्ने बताएका छन् ।
फिल्म ‘होस्टेल’ बाट फिल्मी निर्देशनमा पाइला चालेका हेमराजले ‘सम्बोधन’, ‘गाजलु’, ‘द ब्रेकअप’, ‘ग्याङस्टर ब्लुज’ र ‘घामड शेरे’ निर्देशन गरिसकेका छन् ।
प्रकाशित मिति: शुक्रबार, मंसिर ९, २०७९ ०६:०५
प्रतिक्रिया दिनुहोस्
