मुम्बई—दक्षिण भारतीय फिल्मकी अभिनेत्री नयनतारा र उनका हुनेवाला पति विग्नेश शिवन चाँडै नै वैवाहिक जीवनमा बाँधिदैछन् । यी दुई स्टार जून ९ मा विवाह गर्दैछन् । यहीबीच यो जोडीको विवाहलाई लिएर नयाँ खबर बाहिर आएको छ । समाचारअनुसार नयनताा र विग्नेशको विवाहका लागि नेटफ्लिक्ससँग एक ठूलो सम्झौता गरिएको छ । जोडीले विवाहको भिडियो एलबमका लागि नेटफ्लिक्ससँग डिल गरेको हो । सम्झौता मुताबिक यो जोडीले निकै मोटो रकम लिएको बुझिएको छ । तर कति रकम उनीहरुले लिए भन्ने केही खुलाइएको छैन । नयनतारा र विग्नेशको यो प्रतिक्षित विवाहको भिडियो एलबम एक्सक्लुसिभली खिचेर नेटफ्लिक्समा प्रिमियर हुनेछ । जसको सबै जिम्मेवारी निर्देशक गौतम मेननले लिएका छन् । नयनतारा र विग्नेश ६ वर्षयता डेमा थिए । उनीहरुले विवाह पछि चेन्नईमा रिसेप्सन पार्टी दिनेछन् ।