काठमाडौं—नेपालको लोकप्रिय सौन्दर्य प्रतियोगिता ‘मिस नेपाल वर्ल्ड–२०२२’का प्रतियोगीले यसवर्षको ओपनिङ राउण्डमा इन्टरनेशनल इन्स्टिच्युट अफ फेसन टेक्नोलोजी(आईआईएफटी)का विद्यार्थीले डिजाइन गरेका पहिरन लगाउने भएका छन् । प्रतियोगितामा यसपटक २४ जना प्रतिष्पर्धामा छन् ।
असार ४ गते हुने 'ग्राण्ड फिनाले'मा आईआईएफटीबाट फेसन डिजाइनिङ ग्राजुएट गरेका डिजाइनरले तयार पारेका पहिरनमा प्रस्तुत हुन लागेका हुन् । आईआईएफटीबाट ग्राजुएट १० जना फेसन डिजाइनर यतिबेला प्रतिस्पर्धीका लागि पहिरन तयार गर्न व्यस्त छन् ।
फेसन डिजाइनरहरु पेशल खड्का, पम्फा श्रीष मगर, संगी आचार्य, गीता मिश्र, सविता महर्जन, सरिता श्रेष्ठ, दिलमाया मगर, राजन शाह, सविता चेम्जोङ र सुनैना शाहीले आईआईएफटीका निर्देशक विपना थापाको निर्देशन र एकेडेमिक हेड सविन ढुंगानाको निरीक्षणमा प्रतियोगीका लागि परिहन तयार गरिरहेका छन् ।
डिजाइनरहरुले चारवटा थिममा पहिरन तयार गरिरहेको आईआईफटीले जनाएको छ । तर, थिमबारे खुलाइएको छैन ।
आईआईएफटीले छोटो समयमै धेरै फेसन डिजाइनर तयार गरिसकेको छ । काठमाडौंको बागबजार र कमलादीस्थित हेरिटेज प्लाजा तथा ललितपुरको कुमारीपाटीमा रहेको आईआईएफटीले फेसन डिजाइनिङका अलावा इन्टेरियर डिजाइनको पनि अध्यापन गराउन सुरु गरेको छ । यसअघि आईआईएफटीले दर्जनौँ इभेन्टमा पहिरनका लागि संयोजनको काम गरिसकेको छ ।
प्रकाशित मिति: बिहीबार, मंसिर ८, २०७९ १०:१५
प्रतिक्रिया दिनुहोस्
