काठमाडौं– रामबाबु गुरुङ निर्देशित फिल्म ‘कबड्डी ४’ ले रिलिजको १७ दिनमा १७ करोड ६५ लाखको ग्रस कलेक्सन गरेको छ । रिलिजको छोटो समयमा नै १७ करोड कमाई गर्नु यो दुर्लभ अवसर हो ।
फिल्मका वितरक गोविन्द शाहीका अनुसार अहिलेसम्म पनि अधिकांश हलमा फिल्म हाउसफूलका साथ प्रदर्शन भइरहेकाले अझै केही समयसम्म कलेक्सनको आँकडा बढिरहनेछ ।
उनले पहिलो शनिबार तीन करोडमाथिको व्यापार गर्दा दोस्रो शनिबार अढाई करोडको कलेक्सन गरेको बताए । आइतबार र सोमबार भने ८० लाखको हाराहारीमा छ ।
फिल्ममा दयाहाङ राई, सौगात मल्ल, मिरुना मगर, पुष्कर गुरुङ, विजय बराल, बुद्धि तामाङलगायतका कलाकारको अभिनय छ ।
प्रकाशित मिति: बिहीबार, मंसिर ८, २०७९ १०:१५
प्रतिक्रिया दिनुहोस्
