धरान–फेशन नगरीको रुपमा चिनिने धरानका युवतीहरुको प्रतिभा प्रष्फुटनको लागि फेशन हब नेपाल तथा ब्ल्याक पिग इन्टरटेनमेन्टको आयोजनामा सौन्दर्य प्रतियोगिता ‘मिस धरान २०२२’ आयोजना हुने भएको छ । कम्तीमा एसईई उत्तिर्ण तथा १२ कक्षा पढ्दै गरेका धरानका युवतीहरुलाई सहभागी गराइने कार्यक्रम यो वर्षदेखि धरानमा आयोजना हुदै आएको छ ।
ब्ल्याक पिग इन्टरटेनमेन्टका निर्देशक हरिहाङ तिगेलाका अनुसार प्रतियोगिताको लागि आवेदन खुल्ला गरिएको छ र अनलाइनसँगै एसएमएसबाट समेत आवेदन दिन सकिने छ ।
प्रतियोगिताको कोरियोग्राफी ‘मिस तामाङ २०१९ प्रदेश १’ विजेता तथा ‘मिस टुरिज्म क्विन वल्ड वाइड २०१९’मा ‘बेस्ट स्माइल’को टाइटल विजेता प्रोजिता लामाले गर्नेछिन् ।
अडिसनबाट छानिएका प्रतियोगीहरुलाई बीस दिन व्यक्तित्व विकास, फेशन, र्याम्प वर्क, सौन्दर्य, पर्यटन, इतिहास, क्याटवर्कलगायतका अन्य विभिन्न विषयहरुमा सम्बन्धित क्षेत्रका विज्ञहरुबाट प्रशिक्षण दिइने छ ।
प्रकाशित मिति: बिहीबार, मंसिर ८, २०७९ १०:४५
प्रतिक्रिया दिनुहोस्
