काठमाडौं– आगामी कार्तिक २५ गते रिलिज हुने फिल्म ‘वेलकम टु हेम्जाकोट’ को गीत ‘मायाको रेडियो’ बोलको गीत सार्वजनिक भएको छ । सरोज पौडेलको लेखन र निर्देशनमा बनेको फिल्मको आइटम फ्लेभरको गीतमा विनोद न्यौपाने र अलिशा शर्मा फिचर्ड छन् । कविराज गहतराजले कोरियोग्राफी गरेको गीतमा उदेश श्रेष्ठ र इन्दिरा जोशीको स्वर, राज सागरको संगीत र प्रज्जवल अधिकारीको शब्द छ । तेजप्रसाद दाहालको प्रस्तुती रहेको फिल्ममा अम्बिका तामाङ, सुजैरा कार्की, अस्मिता पन्त, विशाल पहाडी, शारदा गिरी, रवी गिरी, सन्दिप सिग्देल र दिवंगत अभिनेता जयनन्द लामाको अभिनय छ । सुमन खड्का कार्यकारी निर्माता र जितेन्द्र गिरी निर्माता रहेको फिल्ममा प्रवीण राई, रिता परियार, रमेश चापागाईं, सुदीप पोखरेल, सुनील पोखरेल, महेश प्रसाईँ, आइतराम तामाङ, सशांक खड्का, गोपाल सानु र युवराज कट्वाल सह–निर्माता छन् । दीर्घ गुरुङको छायांकन रहेको फिल्म आरआर फिल्मस्ले वितरण गर्नेछ । https://www.youtube.com/watch?v=7qwCF7Wegy8