काठमाडौं– नेपालको समुदायमा आधारित कलासँग सम्बन्धित संस्था कर्णाली आर्टस् सेन्टर (केएसी)तथा संयुक्त राज्य अमेरिकामा रहेको दलित नागरिक अधिकारवादी संस्था इक्वेलिटी ल्याब्स (इएल)ले यसवर्षको ‘सामाजिक न्यायका लागि दर्नाल पुरस्कार (डिएएसजे)’ पाएका छन् ।
यो पुरस्कार सामाजिक न्यायका अगुवा सुभाष दर्नाल स्थापना गरेका हुन् । जसले जातीय विभेद र अपमान अन्त्य गर्ने कामको अगुवाइ गर्ने ४० वर्षमुनिका युवा अगुवासँगै संगठन र आन्दोलनलाई सम्मान गर्छ ।
पाँच लाख रुपैंयाँ राशीको यो पुरस्कार प्रत्येक दुई वर्षमा सुभाष दर्नालको जन्मदिन जून ८ तारिखमा प्रदान गरिन्छ । पुरस्कृत दुई संस्था कर्णाली आर्टस् सेन्टर कर्णाली प्रदेशको मुगुमा अवस्थित छ ।
यो संस्था कलाकार तथा लेखक हीरा बिजुली नेपालीले नाटक र कलाको सशक्त माध्यमबाट सामाजिक न्यायको अभियानमा योगदान पुर्याउन सन् २०१२ मा स्थापना गर्नुभएको हो । सेन्टरले विगतका वर्षमा जातीय विभेदविरोधी सडक नाटकहरू सयौँ पटक प्रदर्शन गरिसकेको छ ।
प्रकाशित मिति: बिहीबार, मंसिर ८, २०७९ ११:१०
प्रतिक्रिया दिनुहोस्
