काठमाडौं - हामिले दुलहा र दुलही विवाह गरेका देखेका छौं । तर के तपाईले आफैसँग विवाह गरेको देख्नु भएको छ ? भारतमा यस्तै अचम्मको विवाह भएको छ । भारतको गुजरातमा एक युवतीले आफैसँग विवाह गरेकी छिन् । विवाहमा मण्डपमा जन्ती थिए, तर दुलहा थिएनन् । बुधबार २४ वर्षकी क्षमा बिन्दुले आफैसँग धुमधामले विवाह गरिन् । विवाहमा उनले रातो रङको साडी, हातमा मेहन्दी र सिउँदोमा सिन्दुर लगाएकी थिएन् । विवाह मण्डपमा उनले आफले सिउदो भरेकी हुन् । उनले विवाहको लागि पण्डित बोलाएकी थिइन् । तर पण्डित आएनन् । विवाहमा उनका आमा–बुवा उनलाई आशीर्वाद पनि दिएका थिए । उनी अब हनिमुनको लागि गोवा जाने भएकी छिन् । सामाजिक सञ्जालमा पनि निकै सक्रिय रहेकी उनका इन्स्टाग्राममा २५ हजारभन्दा बढी फलोअर्स छन् । ११ जुनमा विवाह गर्ने घोषणा गरेकी थिइन् ।