काठमाडौं - दक्षिण भारतीय फिल्मकी अभिनेत्री नयनतारा विवाह बन्धनमा बाधिँएकी छिन् । उनले बिहीबार निर्देशक विग्नेश शिवनसँग विवाह गरेकी हुन्। उनीहरुको विवाह चेन्नई नजिकैको महाबलीपुरमको रिसोर्टमा विवाह सम्पन्न भएको भारतिय मिडियामा जनाइएको छ । उनीहरुको विवाहमा बलिउडका चर्चित अभिनेता शाहरुख खान, अजित कुमार लगायतका कलाकारहरुको सहभागी रहेको थियो ।उनीहरुको विवाहको रिसेप्शन शुक्रबार राखिएको छ । विवाहको रिसेप्शनमा चर्चित कलाकारहरुको सहभागी रहने बताइएको छ । उनीहरुको पहिलो भेट नै विग्नेशकै फिल्ममा भएको थियो । उनीहरु लगभग ६ बर्षसम्म प्रेमसम्बन्धमा रहेका थिए । नयनतारा र उनका प्रेमीले फिल्म ‘कठुवाकुला रेन्दुकढल’ मा सँगै काम गरेका थिए । उनीहरुको यो फिल्म पनि हालै रिलिज भएको थियो । समाचारअनुसार नयनताा र विग्नेशको विवाहका लागि नेटफ्लिक्ससँग एक ठूलो सम्झौता गरिएको छ । जोडीले विवाहको भिडियो एलबमका लागि नेटफ्लिक्ससँग डिल गरेको हो । सम्झौता मुताबिक यो जोडीले निकै मोटो रकम लिएको बुझिएको छ । तर कति रकम उनीहरुले लिए भन्ने केही खुलाइएको छैन ।