काठमाडौँ– आईसीसी पुरुष विश्वकप क्रिकेट लिग टू अन्तर्गतको सिरिजमा नेपालल ओमानसँग खेल्दैछ । अमेरिकाको ह्युस्टनमा रहेको मोसा क्रिकेट मैदानमा ओमानले टस जितेर पहिले ब्याटिड रोजेपटि नेपालले पहिले बलिङ गर्ने भएको छ । खेल केहीबेरमा शुरु हुँदैछ । नेपालका सुनिल धमलाले राष्ट्रिय टिमबाट डेब्यु गरेका छन् । लिग टु मा ओमान ३२ खेलमा ४० अंक जोडेर शीर्ष स्थानमा छ भने नेपाल १२ खेलमा १२ अंक जोड्दै छैटौं स्थानमा छ । नेपालले खेल्न बाँकी सबै खेल खेल्न समयका कारण नपाउने भएकाले जित प्रतिसतका आधारमा विश्वकप छनोट हुने टिम तय गर्ने अन्तराष्ट्रिय क्रिकेट परिषदको तयारी छ । त्यसैले पनि नेपालका लागि यो सिरिजका सबै खेल महत्वपूर्ण रहेको नेपालका मूख्य प्रशिक्षक पुबुदु दासानायकेले बताएका छन् । दुबै देश जितका साथ सिरिज शुरु गर्न चाहन्छन् । पछिल्ला चार खेलमा नेपालले ओमानलाई एक पटक मात्र जित्न सकेको छ । लिग टु अन्तर्गत नै नेपालले ओमानलाई उसकै मैदानमा २०२१ को सेप्टेम्बरमा ७ विकेटले हराएको थियो । नेपालका नियमित ओपनर आसिफ शेख र कुशल भुर्तेल घाइते भएका छन् । नेपालको ओपनिङ लाइनअप सुवास खकुरेल र सुनिल धमलाले सम्हाल्ने निश्चित जस्तै छ । सिरिजको दोस्रो खेल नेपालले अमेरिकासँग पर्सि शनिबार खेल्नेछ । नेपालले तेस्रो खेलमा फेरि ओमानसँग आउँदो मंगलबार र अन्तिम खेलमा अमेरिकासँग जुन १५ मा खेल्नेछ ।