काठमाडौं– आगामी कार्तिक २५ गतेबाट प्रदर्शनमा आउने फिल्म ‘वेलकम टु हेम्जाकोट’को फस्टलुक सार्वजनिक भएको छ । निर्देशक सरोज पौडेलको लेखन तथा निर्देशन रहेको फिल्म कास्कीको हेम्जाकोटमा छायांकन गरिएको छ ।
कमेडी फ्लेभरको फिल्ममा बुद्धि तामाङ, विनोद न्यौपाने, सन्दिप सिग्देल, दिनेश खड्का, प्रेविल कँडेल, अम्बिका तामाङ, सुजाइरा कार्की, अस्मिता पन्त, विशाल पहाडी, शारदा गिरी तथा दिवंगत अभिनेता जयनन्द लामाले अभिनय गरेका छन् ।
दीर्घ गुरुङको छायांकन रहेको फिल्ममा मित्र डि गुरुङको सम्पादन, राज सागरको संगीत, गम्भीर विष्ट र कविराज गहतराजको कोरियोग्राफी छ । तेजप्रसाद दाहालको प्रस्तुति, सुमन खड्का कार्यकारी निर्माता र जितेन्द्र गिरी निर्माता रहेको क्लोजअप सिने प्रोडक्सनको ब्यानरमा निर्माण भएको यो फिल्मलाई आरआर फिल्मस्ले वितरण गर्नेछ ।
प्रकाशित मिति: बिहीबार, मंसिर ८, २०७९ ११:३५
प्रतिक्रिया दिनुहोस्
