काठमाडौं - सरकारले पेट्रोलियम पद्धार्थमा गरेका मूल्यवृद्धिको विरोधमा शुक्रबार काठमाडौंमा प्रदर्शन गरिएको छ । ‘कञ्जुमर आइ नेपाल’ को आयोजनामा शुक्रबार माइतीघर मण्डलामा पेट्रोलियम पद्धार्थमा गरिएको मूल्यवृद्धिको विरोधमा प्रदर्शन गरिएको हो । पेट्रोलियम पदार्थमा लगाइएको विभिन्न शीर्षकका कर ख्यारेज गर्नुपर्ने, बढ्दो महँगी नियन्त्रण गर्नुपर्ने, उपभोक्त अधिकार संरक्षण गर्नुपर्ने, कालोबजारियालाई कारवाही गर्नुपर्ने लगायतका नारासहितका व्यानर र प्लेकार्डसहित विरोध प्रदर्शन गरिएको हो । विरोध प्रदर्शनमा कञ्जुमर आइ नेपालकी अध्यक्ष विमला खनाल र महासचिवसहितको सहभागिता रहेको थियो ।