काठमाडौं – अभिनेता दयाहाङ राई अभिनित फिल्म ‘कबड्डी ४’ रिलिज भएको दुई साता पुगेको छ । रामबाबु गुरुङले निर्देशनमा तयार भएको यस फिल्मले शुरुवातदेखि नै राम्रो कमाई गर्दै आइरहेको छ । पहिलो सातामा धमाकेदार कमाई गरेको यस फिल्मले दोस्रो सातामा आइपुग्दा थोरै कमाई गरिरहेको छ । यस फिल्मले ओपनिङमै कीर्तिमान रचेको थियो । फिल्मका वितरकका अनुसार यस फिल्मले एक सातामा १५ करोड कमाउन सफल भएको थियो । दुई साता पुग्दा यस फिल्मले १८ करोड कमाउन सफल भएको छ । हिलो सातामा धेरै कमाउने फिल्म बनिसकेको यस फिल्मले काठमाडौं उपत्यकामा मात्र ९ करोड ९८ लाख कमाउन सफल भएको छ । यस फिल्मले हालसम्म कुल १८ करोड ७८ लाख रुपैयाँ माथि कमाई गरेको छ । यस फिल्ममा दयाहाङ राई, सौगात मल्ल, बुद्धि तामाङ, विजय बराल, गौमाया यात्री, पुष्कर गुरुङ, कमलमणि नेपाल लगायतका कलाकारको अभिनय रहेको छ ।