मुम्बई–पञ्जाबी गायक सिद्धु मूसेवालाको केही समय अघि पञ्जाबको मानसा जिल्लास्थित जवाहरके गाउँमा गोली हानी हत्या गरियो । उनले कैयौं पञ्जाबी हिट गीत दिए, तर पनि उनी विवादबाट कहिल्यै टाढा भएनन् । उनीमाथि पञ्जाबमा गन संस्कृतिलाई बढावा दिएको आरोप थियो । उनी प्रायः आफ्नो गीतमा प्रयोग गरेको शब्दका कारण विवादमा तानिन्थे । एक गीतका कारण पञ्जाबीहरु भड्किएका नै थिए । सिद्धुले मानसाबाट काँग्रेसको टिकटमाथि विधानसभा चुनावमा पराजित भएपछि गीत ‘स्केपगोट’ सार्वजनिक गरेका थिए । उनले यो गीतमार्फत मतदाताप्रति रिस पोखेका थिए । उनले गीतमा ‘गद्दार’समेत भनेका थिए । ‘मैले पिछडिएको इलाकालाई ब्राण्ड बनाएँ, रउनीहरुले मलाई नै हराइदिए’, उनी भन्थे । उनको यो गीतप्रति आम आदमी पार्टी(आप)का नेताहरुले निकै विरोध गरेका थिए । आपका प्रवक्ता नील गर्गले पञ्जाबीहरुलाई गद्दार भनेकोमा काँग्रेस पार्टीले माफी माग्नुपर्ने माग राखेका छन् । –अमरउजाला