काठमाडौं–प्रदर्शोन्मुख फिल्म ‘प्रेमगञ्ज’का कलाकारसँगै पत्रकार ऋषि धमलाले ब्रिज हेयर एन्ड ब्युटी सलुन’को उद्घाटन गरेका छन् ।
काठमाडौँको बौद्ध क्षेत्रमा खुलेको सलुनको शनिबार पत्रकार धमलासँगै ‘प्रेमगञ्ज’का कलाकार बेनिशा हमाल र तेज गिरीले रिबन काटेर उद्घाटन गरेका थिए । उनीहरुलाई कलाकार निराजन प्रधानले पनि साथ दिएका थिए । सलुन अनिल थापाले सञ्चालनमा ल्याएका हुन् ।
अभिनेत्री हमालले हरकोहीलाई राम्रो वा राम्री बन्न मन लाग्ने भएकाले ब्रिज हेयर एन्ड ब्युटी सलुनले त्यो अपेक्षा पूरा गर्नेमा आशा व्यक्त गरिन् । अभिनेता प्रधानले कलाकार मात्र नभएर हरकोही सौन्दर्यप्रति सचेत हुँदै गएकाले यस्ता सलुनको महत्व बढिरहेको बताए ।
पत्रकार धमलाले पछिल्लो समय पार्लर र सलुन जानेको आर्कषण बढेको बताए । ‘म सधैँ व्यस्त रहने मान्छे हुँ । भ्याएसम्म चिटिक्क परेरै हिँडछु । सलुन नै जान्छु कहीँ नगए पनि मान्छेहरूमा सलुनको आकर्षणप्रति म कदर गर्छु,’ उनले भने । सञ्चालक थापाले भारत, बेलायत तथा अमेरिकामा लामो समय यो क्षेत्रमा गरेको अनुभवले नेपालमा सलुन खोल्न प्रेरित गरेको बताए ।
सलुनलाई ‘प्रेमगन्ज’ अभिनेता तेज गिरीले पनि शुभकामना दिएका थिए ।
प्रकाशित मिति: बिहीबार, मंसिर ८, २०७९ ११:५३
प्रतिक्रिया दिनुहोस्
