मुम्बई— बलिउड अभिनेत्री श्रद्धा कपूरका अभिनेता दाई सिद्धान्त कपूर लागुऔषध मामलामा पक्राउ परेका छन् । उनलाई बेङ्लोर प्रहरीले पक्राउ गरेर हिरासतमा राखेको छ । प्रहरीले सिद्धान्तलाई एक पार्टीमा ड्रग्स लिएको आरोप लगाएको छ ।
बेङ्लोर प्रहरीले एमजी रोडस्थित होटला पार्कको पबमा चलिरहेको रेव पार्टीमा छापा मारेको थियो । पार्टीमा सिद्धान्तलाई डीजेका रुपमा बोलाइएको थियो । पार्टीमा सिद्धान्तसहित ६ व्यक्ति लागुऔषध टेस्टमा पोजेटिभ भेटिएका थिए । उनका पिता शक्ति कपुर छोराले लागुऔषध प्रयोग गरेको विषय ‘असम्भव’ भएको भनी प्रतिक्रिया दिएका छन्
बेङ्लोर सिछी इस्ट डिभिजनका एमसीपी डा. भीमशंकरले यो लागुऔषध लिएर उनीहरु पार्टीमा आएका थिए या होटलमै लागुऔषध लिएका हुन् भन्ने कुरा निश्चित नभएको बताए । सबै आरोपीलाई उलसूर प्रहरी स्टेसनमा लगिएको छ ।
सुशान्त सिंह राजपूत लागुऔषध मुद्धामा नारकोटिक्स कन्ट्रोल ब्यूरो(एनसीबी)को सोधपुछ सूचीमा श्रद्धाको पनि नाम थियो । यद्यपि उनकाविरुद्ध कुनै ठोस प्रमाण भेटिएको थिएन । एनसिबीले तत्कालिन समयमा श्रद्धासहित सारा अली खान र दीपिका पादुकोणलाई सेप्टेम्बर २०२० मा ह्वाट्सएप च्याटमा नाम आएपछि बयान लिएको थियो ।
सिद्धान्तले बलिउडमा आफ्नो करियरको सुरुवात सन् १९९७ मा रिलिज फिल्म ‘जुडुवा’बाट गरेका थिए । उनले ‘अगली’, ‘जज्बा’, ‘हसीना पारकर’, ‘पल्टन’, ‘हेल्लो चार्ली’ र ‘चेहरे’ जस्ता फिल्ममा अभिनय गरेका थिए ।
-दैनिक भास्कर
प्रकाशित मिति: बिहीबार, मंसिर ८, २०७९ ११:३३
प्रतिक्रिया दिनुहोस्
