काठमाडौं– जिनियस म्युजिकले राजधानीमा आयोजना गर्न लागेको दोस्रो तथा तेस्रो ‘जिनियस म्युजिक अवार्ड २०७९’को उत्कृष्ट ५ को मनोनयन सार्वजनिक भएको छ । दोस्रो संस्करणमा १६ विधा र तेस्रो संस्करणको अवार्डमा ३७ विधामा उत्कृष्ट ५ सार्वजनिक भएको हो ।
जुरी र आयोजक समितिको निर्णयको आधारमा उत्कृष्ट ५ छनोट गरिएको अवार्ड आयोजक संस्था जिनियस म्यूजिकका अध्यक्ष रमेश पाठकले बताए । उनले कोरोना महामारीका कारण रोकिएको दोस्रो संस्करणको मनोनयनसमेत एकै पटक सार्वजनिक गरिएको बताए ।
अवार्डमा राष्ट्रिय, आधुनिक, पप, तथा लोक विधामा देशभरका कलाकर्मीहरुले सहभागिता जनाएका छन् । अवार्डमा ५० प्रतिशत भोट, ४० प्रतिशत जुरी समिति र बाँकी आयोजक टिमको मतलाई आधार मानेर विजेताको घोषणा गरिने आयोजक संस्थाले जनाएको छ ।
अवार्डमा नेपाली गीतसंगीतको क्षेत्रमा योगदान पुर्याएका एक विशिष्ट व्यक्तिलाई ‘लाइफ टाइम अचिभमेन्ट अवार्ड’ र नेपाली कला संगीत क्षेत्रमा कलम चलाउने पत्रकारलाई ‘पत्रकारिता पुरस्कार’ प्रदान गरिनेछ । अवार्ड आगामी असार २३ गते काठमाडौंमा हुँदैछ ।
प्रकाशित मिति: बिहीबार, मंसिर ८, २०७९ ११:३२
प्रतिक्रिया दिनुहोस्
