मुम्बई– अभिनेता सलमान खान बलिउडका लोकप्रिय अभिनेता हुन् भन्नेमा दुई मत छैन । उनी फिल्मबाहेक ‘दबंग’ शैलीका कारण पनि चर्चामा आइरहन्छन् । यिनै अभिनेतालाई एकपटक दिग्गज अभिनेता राजकुमारले अक्क न बक्क बनाइदिएका थिए ।
सलमानले अभिनयको सुरुवात सन् १९८८ मा रिलिज फिल्म ‘बीवी हो तो ऐसी’बाट गरेका थिए । जसमा उनी सहायक भूमिकामा देखिएका थिए । यद्यपि यसको एक वर्षपछि रिलिज सुरज बडजात्याको फिल्म ‘मैने प्यार किया’मा प्रमुख भूमिकामा अभिनय गरे । यो फिल्म बक्सअफिसमा सुपरहिट भयो र यही फिल्मबाट सलमानले लोकप्रियता कमाए ।
फिल्म सुपरहिट भएपछि सुरजले एक सक्सेस पार्टी राखेका थिए । जसमा अभिनेता राजकुमार पनि आएका थिए । त्यहाँ राजकुमारले आफूले फिल्मको कलाकार भेट्न चाहेको जानकारी सुरजलाई दिएका थिए । त्यसपछि सुरजले सलमानलाई लिएर राजकुमारको ठाउँमा पुगे ।
तर जब सलमानले राजकुमारलाई भेटे, त्यसपछि सलमानको एक प्रश्नले राजकुमार निकै रिसाए । यो पार्टीअघि सलमानले राजकुमारलाई कहिल्यै भेटेका थिएनन् । पार्टीमा राजकुमारलाई भेट्दा सलमानले ‘तपाईं को हो ?’ भनी सोधे । त्यो समयमा राजकुमार बलिउडको हिट अभिनेता भइसकेका थिए ।
आफू हिट भए पनि सलमानले नचिनेपछि राजकुमार निकै रिसाए । त्यसपछि उनले सलमानलाई भने, ‘छोरा, गएर आफ्नो पितालाई म को हुँ भनेर सोध्नु है ।’
–एबीपीन्यूज
प्रकाशित मिति: बिहीबार, मंसिर ८, २०७९ ११:३२
प्रतिक्रिया दिनुहोस्
