काठमाडौँ– असार ३ देखि ११ सम्म मलेसियामा हुने एसीसी महिला टी ट्वान्टी क्रिकेट च्याम्पियनसिपका लागि नेपालको टिम घोषणा भएको छ । नेपाल क्रिकेट संघ क्यानले रुविना क्षेत्रीको कप्तानीमा १५ सदस्यीय टोली घोषणा गरेको हो ।
यु-१९ की मनिषा उपाध्याय पहिलो पटक सिनियर टिममा परेकी छिन् । राष्ट्रिय टिमकी नियमित सदस्य हिरन्मईको बाबुको नागरिकता नभएका कारण विदेश जाने कागजात नबनेका कारण मनिषाले मौका पाएकी हुन् ।
नेपाली टिममा रुविना क्षेत्री, इन्दु बर्मा, सीता रानामगर, ज्योती पाण्डे कविता कुँवर, अश्मिना कर्माचार्य, कविता जोशी, ममता चौधरी, मनिषा उपाध्याय, डोली भट्ट, विन्दु रावल, संगिता राई, अप्सरी बेगम, काजोल श्रेष्ठ र सबनम राई रहेका छन् ।
प्रकाशित मिति: बिहीबार, मंसिर ८, २०७९ ०५:०२
प्रतिक्रिया दिनुहोस्
