काठमाडौँ -  छापावाल सुनको मूल्य म‌ंगलबार प्रतितोला एक हजार ८०० रुपैयाँले घटेर ९७ हजार १०० मा झरेको छ । सुनको भाउ सोमबार प्रतितोला रु ९८ हजार ९०० मा कारोबार भएको थियो । नेपाल सुनचाँदी व्यवसायी महासङ्घले सार्वजनिक गरेको विवरण अनुसार आज तेजाबी सुनको मूल्य प्रतितोला रु ९६ हजार ६०० छ । यसको मूल्य अघिल्लो दिन प्रतितोला ९८ हजार ४०० थियो । त्यस्तै आज चाँदीको मूल्य अघिल्लो कारोबार मूल्यका तुलनामा प्रतितोला २० ले घटेर रु एक हजार २४५ कायम रहेको महासङ्घले जनाएको छ ।