काठमाडौं– पशुपतिनाथको मन्दिर परिसरमा हरेक साँझ आरती हुन्छ । साँझ साढे ६ बजेपछि हरेक दिन पशुपतिनाथ मन्दिरको पूर्वी भागमा भजन कीर्तन र आरती गरिन्छ । आरतीसँगै शिवको पूजा आरधना गर्न भक्तजनको घुइँचो लाग्ने गरेको छ ।  जसका कारण साँझको समय पशुपतिनाथ मन्दिर परिसर र बागमती नदी किनार आकर्षक देखिन्छ । आरतीका लागि विदेशबाट समेत भक्तजन आउने गरेका छन् । हिजो आज वर्षाका कारण आरती पनि केही प्रभावित हुने गरेको छ ।