काठमाडौँ– काठमाडौँ महानगरपालिकाका मेयर बालेन्द्र शाहसँग नेपाली राष्ट्रिय क्रिकेट टिमका पूर्वकप्तानहरू पारस खड्का र ज्ञानेन्द्र मल्ल तथा नेपाल क्रिकेट संघ क्यानका सदस्य छुम्बी लामाले क्रिकेटको विकासका लागि छलफल गरेका छन् । मेयर शाहसँग मंगलबार भएको भेटमा महानगरपालिका भित्र तल्लो स्तरमा र विद्यालय स्तरमा क्रिकेटको विकास तथा बिस्तारको विषयमा छलफल भएको केन्द्रिय सदस्य लामाले क्यानडा नेपाललाई जानकारी दिए । छलफल सकारात्मक भएको पनि उनले बताए ।