काठमाडौं–आइसीसी लिग टू च्याम्पियन्सिप क्रिकेटमा नेपालले ओमानसँग पहिले बलिङ गर्ने भएको छ । अमेरिकाको ह्युस्टन्स्थित मोसा मैदानमा ओमानले टस जितेर पहिले ब्याटिङ गर्ने निर्णय गरेको हो । नेपाल र ओमान आज सिरिजको दोस्रो खेल खेल्न लागेका हुन् ।
यसअघिको पहिलो खेलमा नेपाल ओमानससँग १३ रनले पराजित भएको थियो । तेस्रो खेल खेल्दै गरेको नेपाल पहिलो जितको खोजीमा छ ।
अहिलेसम्म १४ खेल खेलेको नेपाल १३ अंकसहित छैटाैँ अर्थात पुछारबाट दोस्रो स्थानमा छ । नेपालभन्दा पुछार अर्थात साताैँ नम्बरमा पपुवा न्युगिनी मात्र छ । नेपालभन्दा अघि रहेको नामिबियाको १४ खेलबाट १४ अंक, अमेरिकाको २३ खेलबाट २१ अंक, यूएईको २३ खेलबाट २६ अंक छ । दोस्रो स्थानको स्कटल्यान्डको २० खेलबाट २८ अंक छ भने पहिलो स्थानको ओमानको ३५ खेलबाट ४४ अंक छ । शिर्ष ३ मा पर्ने टिम विश्वकपमा छनोट हुनेछ ।
प्रकाशित मिति: बिहीबार, मंसिर ८, २०७९ ०५:३३
प्रतिक्रिया दिनुहोस्
