काठमाडौं– अघिल्लो वर्षको चैत ४ मा प्रदर्शनमा आएको फिल्म ‘चिसो एष्ट्रे’ले बुधबारदेखि डिजिटल प्लेटफर्ममा प्रदर्शन यात्रा सुरु गर्ने भएको छ । फिल्म असार १ देखि डिसहोमसहित नेट टीभी, मोमो एप लगायतका प्लेटफर्ममा प्रदर्शन भएकाे हाे ।
हलमा ठीकै मात्र व्यापार गरे पनि फिल्मले समीक्षकबाट भने राम्रो प्रशंसा पाएको थियो । खासगरि फिल्मले अभिनय र प्राविधिक पक्षमा तारिफ पाएको थियो । भूपी शेरचनको यही नामको कविताबाट प्रभावित फिल्मलाई दिन्स पाल्पालीले निर्देशन गरेका थिए ।
लेखनसहित उनैको रहेको फिल्ममा दिव्यदेव, सुशील पाण्डे, सृष्टि श्रेष्ठ, निकुन श्रेष्ठ, नविन लम्साल आदि कलाकारको अभिनय रहेको थियो ।
महेशबाबु तिमल्सिना प्रस्तुतकर्ता रहेको फिल्मलाई प्रविन स्याङबो र सुष्मिता पराजुलीले निर्माण गरेका थिए । सुजन खतिवडा, रुपेश ढुंगाना र नविन ढुंगानाको सह–निर्माणमा बनेको फिल्मलाई उज्वल बस्ताकोटीले छायाँकन गरेका हुन् ।
फिल्मलाई विदेशी प्लेटफर्ममा पनि बेच्ने प्रयास भइरहेको निर्माताले जानकारी गरएका छन् ।
प्रकाशित मिति: बिहीबार, मंसिर ८, २०७९ ११:०७
प्रतिक्रिया दिनुहोस्
