काठमाडौँ– आईसीसी क्रिकेट विश्वकप लिग टू अन्तर्गतको त्रिदेशीय सिरिजको आफ्नो अन्तिम खेलमा नेपालले आज (बुधबार) घरेलु टिम अमेरिकासँग खेल्दैछ । खेल ह्युस्टनको मोसा क्रिकेट मैदानमा नेपाली समय अनुसार राती ९ः१५ बजे सुरु हुनेछ । सिरिजमा तेस्रो खेलमा बल्ल पहिलो जित निकोलेको नेपाल अमेरिकालाई पनि हराउँदै दोस्रो जितको खोजीमा छ । गएरातीको खेलमा नेपालले ओमानलाई ७ विकेटले हराएको थियो। नेपाल र अमेरिकाबीचका पछिल्ला पाँचमध्ये नेपालले तीन खेल जितेको छ । जारी सिरिजको यसअघिको खेल भने बराबरीमा सकिएको थियो । अंक तालिकामा नेपाल पाँचौ र अमेरिका चौथो स्थानमा छ । शिर्ष ३ स्थानमा रहने टिम विश्वकपका लागि छनोट हुने भएकाले आजको जित हार दुबै टिमका लागि महत्वपूर्ण हुनेछ ।