काठमाडौँ– मुक्तिनाथ विकास बैँक लिमिटेडको ब्रान्ड इन्फ्लुएनसरमा पर्वतारोही लाक्पा देण्डी शेर्पा नियुक्त भएका छन् ।
पर्वतारोही लाक्पा देण्डी शेर्पाले बैंकको सेवा सुविधाको प्रचार एवम् बैंकको सकारात्मक छवि प्रस्तुत गर्ने गरि सम्झौता पत्र हस्ताक्षर गरेका छन् ।
लाक्पा देण्डी शेर्पा एक सफल पर्वतारोही हुन् जसले तीन पटक सगरमाथा आरोहण गर्ने सबैभन्दा छिटो समय १० दिन १८ घण्टा ३० मिनेट तय गरेका हुन् जस कारण उनी गिनिज रेकर्ड होल्डर पनि हुन् ।
एक कार्यक्रम बीच बैंकको तर्फबाट प्रमुख– बजारीकरण प्रबन्धन तथा संस्थागत मामिला विभाग श्री बसन्त बक्शी तथा लाक्पा देण्डी शेपाले सम्झौता पत्र हस्ताक्षर गरेका हुन् ।
यस सम्झौता पश्चात लाक्पा देण्डी शेर्पाले बैंकको सेवा सुविधाको प्रचार र बैंकको सकारात्मक छवि प्रस्तुत हुने गरी ब्राण्ड इन्फ्लुएनसरको रुपमा कार्यहरू निर्वाह गर्नेछन् । उनका आगामी अभियानमा समेत बैंकलाई साथ राख्दै हातेमालो गर्दै अघि बढ्नेछन् ।
प्रकाशित मिति: बिहीबार, मंसिर ८, २०७९ १७:१०
प्रतिक्रिया दिनुहोस्
