काठमाडौं– बलात्कार आरोपमा पक्राउ परेका मोडल ग्लोबल भिसाज कन्सल्टेन्सीका सञ्चालक मनोज पाण्डेविरुद्ध काठमाडौं जिल्ला अदालतमा मुद्दा दायर भएको छ। सरकारी वकिल कार्यालय काठमाडौंले बुधबार पाण्डेविरूद्ध अदातलमा मुद्धा दर्ता गराएको हो ।
सरकारी वकिल कार्यालयका अनुसार पाण्डेविरूद्ध मानव बेचबिखन तथा ओसारपसार र बाल यौन दुर्व्यवहारको मुद्दा दर्ता गरिएको छ ।कार्यालयले पाण्डेविरुद्ध मानव बेचबिखन तथा ओसारपसार मुद्दामा १० देखि १५ वर्ष र बाल यौन दुर्व्यवहारमा तीन वर्षसम्मको सजाय माग दाबी गरिएको छ ।
कन्सल्टेन्सीका सञ्चालक पाण्डेले आठ वर्षअघि मिस ग्लोबल इन्टरनेसनलमा भाग लिएकी तत्कालीन समयमा १६ वर्षीया किशोरीलाई बलात्कार गरेको आरोप लागेको यिो । किशोरीले जेठ पहिलो साता सामाजिक सञ्जालमा आई आफू बलात्कृत भएको जानकारी दिएकी थिइन् । त्यसपछि प्रहरीले खोजी गरी पाण्डेलाई पक्राउ गरेको थियो ।
प्रकाशित मिति: शुक्रबार, मंसिर ९, २०७९ ०१:०१
प्रतिक्रिया दिनुहोस्
