मुम्बई– बलिउड अभिनेत्री अनुष्का शर्मा र क्रिकेटर विराट कोहली भारतकै लोकप्रिय जोडीमा पर्छन् । हालै उनीहरु मालदिभ्समा बिदा मनाएर भारत फर्किएका छन् । मालदिभ्सबाट फर्कनासाथ अनुष्का र विराटलाई मुम्बईको कोकिलाबेन अम्बानी अस्पताल अगाडि भेटिएका छन् । उनीहरु अस्पताल बाहिर निस्किएको भिडियो सामाजिक सञ्जालमा भाइरल भइरहेको छ । उनीहरु अस्पताल अगाडि भेटिनुलाई मानिसहरुले आ–आफ्नै अनुमान लगाएका छन् । अधिकांशले अनुष्का पुनः आमा बन्न लागेको अड्कलबाजी गरेका छन् । सामाजिक सञ्जाल प्रयोगकर्ताले दुवैलाई दोस्रो सन्तानको लागि बधाई दिन थालेका छन् । अस्पतालमा अनुष्का पहेलो र सेतो लाइनिङ पहिरनमा देखिएकी थिइन् । उनीहरुसँगै एक डाक्टर पनि गाडीबाट ओर्लिएपछि सञ्जाल प्रयोगकर्ताले अनुष्का पुनः आमा बन्न लागेको हो कि भन्ने अनुमान गरेका हुन् । तर सत्यता केही फरक छ । अनुष्का गर्भवती छैनन र उनी अस्पतालमा फिजियोथेरापिस्टलाई भेट्न गएकी हुन् । यो जोडी आफ्नो निजी जीवनलाई निकै गोप्य राख्छन् । –दैनिक जागरण