मुम्बई–बलिउडका लोकप्रिय निर्माता तथा निर्देशक करण जोहारको फिल्म ‘जुग जुग जियो’को कथा विवाद अदालतसम्म पुगेको छ । राँची निवासी विशाल सिंहले करणले आफ्नो कथालाई चोरेर फिल्म निर्माण गरेको आरोप लगाएका छन् । उनले कपीराइट एक्टअनुसार दर्ता गरिएको व्यावसायिक सुटमाथि सुनुवाई गर्दै राँचीको स्पेशल कमर्शियल कोर्टले करणलाई एक नोटिस जारी गरेको छ ।
अदालतले करणलाई जून १८ अघि आफ्नो बयान दिन निर्देशन दिएको छ । कोर्टका न्यायाधीश एमसी झाको अदालतमा भएको सुनुवाईको समयमा निवेदक विशालका अधिवक्ता सौरभ अरुणले फिल्मको ट्रेलर गत २२ मेमा रिलिज हुँदा आफ्नो कथा चोरिएको कुरा विशालले थाहा पाएको दाबी गरे ।
विशालले यसअघि यो कथा करणलाई पठाएका थिए । तर करणले उक्त कथा प्रयोगको लागि उपयुक्त नभएको भन्दै विशाललाई नै फिर्ता गरिदिएका थिए । अहिले विशालले सोही कथा करणले चोरेर फिल्म बनाएको आरोप लगाएका छन् ।
करणले वायकम १८ सँग मिलेर फिल्म निर्माण गरेका हुन् । फिल्ममा पहिलोपटक वरुण धवन र कियारा आडवाणीले स्क्रिन शेयर गर्दैछन् । फिल्म यही जून २२ मा रिलिज हुँदैछ ।
–जीन्यूज
प्रकाशित मिति: बिहीबार, मंसिर ८, २०७९ १०:४३
प्रतिक्रिया दिनुहोस्
