मुम्बई–अभिनेता अक्षय कुमारको नयाँ फिल्म ‘रक्षाबन्धन’ आगामी अगष्ट ११ मा रिलिज हुने भएको छ । आनन्द एल रोय निर्देशित फिल्म अगष्ट ११ मा मा रिलिज हुने अभिनेता अक्षयले बिहीबार सामाजिक सञ्जालमार्फत एक भिडियो शेयर गर्दै जानकारी दिएका हुन् ।
‘तपाईं सबैका लागि एक कथा लिएर आउँदैछु, जुन सबैभन्दा बलियो र भावनात्मक छ । जुन कथालाई हेरेर तपाईंलाई आफ्नो सम्बन्धको सम्झना आउँछ । रक्षाबन्धन ११ अगष्ट २०२२ मा सिनेमाघरमा रिलिज हुँदैछ । रिटर्न टु फिलिङ्स’, उनले लेखेका छन् ।
अक्षयले फिल्मको रिलिज मिति सार्वजनिक गर्नासाथ यो फिल्म आमिर खानको फिल्म ‘लाल सिंह चड्डा’सँग जुध्ने निश्चित भएको छ । किनकी ‘लाल सिंह चड्डा’ पनि सोही मितिमा रिलिज हुँदैछ ।
दुवै फिल्म एकै मितिमा रिलिज हुने भएपछि बक्सअफिसमा कस्तो भीडन्त हुन्छ भन्ने चासो फिल्मकर्मीममा छ । फिल्म ‘रक्षाबन्धन’मा अक्षयका अलावा भूमि पेडनेकर प्रमुख भूमिकामा छन् । ‘लाल सिंह चड्डा’मा भने आमिरसँगै करीना कपूर खानको प्रमुख भूमिकामा अभिनय छ ।
–दैनिक भास्कर
प्रकाशित मिति: बिहीबार, मंसिर ८, २०७९ १२:२७
प्रतिक्रिया दिनुहोस्
