मुम्बई–बलिउड अभिनेता नाना पाटेकर केही वर्षअघि ‘मीटू’का कारण चर्चामा आए । नानामाथि अभिनेत्री तनुश्री दत्ताले ‘मीटू’को आरोप लगाएकी थिइन् । ‘मीटू’ अभियानको असर नानाको करियरमा निकै पर्यो । नाना पछिल्लोपटक सन् २०२० मा फिल्म ‘इट्स माइ लाइफ’मा देखिएका थिए । अब उनी लामो समयको ब्रेकअपछि एकपटक पुनः दर्शमाझ आउने तयारीमा छन् ।
नाना, निर्देशक प्रकाश झाको वेब सिरिज ‘आश्रम’मार्फत कमब्याक गर्ने चर्चा थियो । यद्यपि यो कुरालाई लिएर न त प्रकाश झाले नै र न नानाकै तर्फबाट कुनै आधिकारिक भनाई आएको थिए । तर नानाले कमब्याक गर्ने भन्ने कुरा चाहिँ सही हो ।
नानाले प्रकाशको ‘आश्रम’ नभई ‘लाल बत्ती’मार्फत कमब्याक गर्न लागेको खुलाएका छन् । ‘लाल बत्ती’ एक सामाजिक राजनैतिक वेब सिरिज हुनेछ । नानाले सन् २०१० मा प्रकाशको फिल्म ‘राजनीति’मा महत्वपूर्ण भूमिकामा अभिनय गरेका थिए । यो फिल्म सुपरहिट साबित भएको थियो ।
यो फिल्ममा रणवीर कपूर, अजय देवगन, नसीरुद्दीन शाह, मनोज बाजपेयी र कटरीना कैफको पनि अभिनय थियो ।
–दैनिक जागरण
प्रकाशित मिति: बिहीबार, मंसिर ८, २०७९ ०९:४६
प्रतिक्रिया दिनुहोस्
