मुम्बई–नेटफ्लिक्सको ओरिजिनल सिरिज ‘द चोजन वन’को एक समूह सडक दुर्घटनामा परेका छन् । सिरिजका दुई अभिनेताको दुर्घटनामा निधन भएको छ भने ६ जना घाइते छन् ।
यो घटनापछि सिरिजको सुटिङ केही समयका लागि रोकिएको छ । दुर्घटनामा अभिनेता रेमुण्डो गार्डुनो क्रुज र जुआन फ्रान्सिस्को गोन्जालेजको निधन भएको हो । घाइतेहरुको अवस्था स्थिर छ ।
सिरिज निर्माण कम्पनी रेड्रमले प्रोडक्सनलाई अहिले रोकेको छ । नेटफ्लिक्सले हालसम्म दुर्घटनाको बारे कुनै प्रतिक्रिया दिएको छैन । दुर्घटना गत जून १६ मा स्थानीय एयरपोर्ट जाँदै गर्दा रेगिस्तानी रोडमा भएको थियो । दुर्घटना हुनु अघि उनीहरु सवार भेन तिब्र गतिमा थियो । जुन नियन्त्रण बाहिर पुगेपछि दुर्घटना भएको थियो ।
‘द चोजन वन’ एक ब्राजिलियन थ्रिलर सिरिज हो । जसको पहिलो सिजन गत सन् २०१९ मा सार्वजनिक भएको थियो । यो सिरिज कमिक बुक ‘अमेरिकन जिसस’मा आधारित छ ।
–दैनिक भास्कर
प्रकाशित मिति: बिहीबार, मंसिर ८, २०७९ ०९:४५
प्रतिक्रिया दिनुहोस्
