काठमाडौँ– सशस्त्र प्रहरी बलका ३७ जना (सशस्त्र प्रहरी नायब उपरीक्षक) डिएसपीलाई (सशस्त्र प्रहरी उपरीक्षक) एसपी पदमा बढुवाका लागि सिफारिस गरिएकोछ । बढुवा समितिको निर्णय अनुसार बढुवा सिफारिसमा परेकाहरुको नामावली सशस्त्र प्रहरी बलले सार्वजनिक गरेको छ । समितिको यही असार ५ गतेको बैठकले बढुवा सिफारिस गरेको हो । ज्येष्ठताक्रमको पहिलो नम्बरमा टोपबहादुर डाँगी बढुवा सिफारिसमा परेका छन् । त्यसपछि क्रमशः हस्तबहादुर गुरुङ, तुलबहादुर भण्डारी, सुमन थपलिया, जीवन केसी, धिरेन्द्र राज न्यौपाने, देव राज अर्याल, दिनेश मल्ल, उद्धव बहादुर रावल, शिवप्रसाद गैह्रे लगायत छन् । बढुवा सिफारिसमा चित्त नबुझे नियमावलीको नियम ५५ मा व्यवस्था भए बमोजिम ७ दिनभित्र बढुवा उपरको उजुरी सुन्ने समिमितसमक्ष उजुरी दिन सकिने सशस्त्र प्रहरी बलले जनाएको छ ।