काठमाडौं– प्रेमकथानक फिल्म ‘सम्झना–बिर्सना’ मा समाबेश ‘हाँस्ने खेल्ने बेलैमा’ बोलको नयाँ गीत सार्वजनिक भएको छ । असार ३१ गतेबाट प्रदर्शनमा आउने फिल्मको नयाँ गीतमा अञ्जु पन्त र किरण गजमेरको स्वर तथा अर्जुन पोखरेलको शब्द,संगीत छ । रामजी लामिछानेको कोरियोग्राफी र शिव ढकालको छायांकन रहेको गीतमा फिल्मका प्रमुख कलाकार पूजा शर्मा र आकाश श्रेष्ठ फिचर्ड छन् । डान्सिङ्ग फ्लेभर को रोमान्टिक गीतमा पूजा र आकाश खुलेर नाचेका छन् । भक्तपुर दरबार स्क्वायरलाई सुन्दर ढंगले प्रस्तुत गरिएको गीत सार्वजनिक भएको २४ घण्टा नबित्दै ट्रेन्डिङमा परेको छ । अद्वितीय प्रधानको प्रस्तुति र रेविका प्रधानको निर्माणमा बनेको फिल्मको लेखन तथा निर्देशन निमेष प्रधानले गरेका हुन् । फिल्ममा पूजा र आकाशको जोडीका साथमा सुनील थापा,शिसिर राणा, छुल्ठिम गुरुङलगायतका कलाकारले अभिनय गरेका छन् । अद्वितीय फिल्म्स्को प्रस्तुति रहेको फिल्मको छायांकन दार्जिलिङ,सिक्किम,सिल्गुढीका साथ एउटा गीत काठमाडौंमा गरिएको हो । https://www.youtube.com/watch?v=bsjvuguq-EU