काठमाडौं–गीतकार प्रमोद भट्टराईको शब्दमा गीति भिडियो ‘ज्योतिषीले भनेको’ सार्वजनिक भएको छ । लोक र आधुनिक संगीतको फ्युजन जोडिएको गीतमा संगीत कृति न्यौपानेले भरेका छन् । गीतमा गायिका मेलिना राई र युवा गायक निशान भट्टराईको स्वर छ । गीतमा एरेञ्जको काम पुरुषोत्तम सुवेदीले गरेका छन् । गीतकार भट्टराईले यो गीतबाट मनोरञ्जनसँगै प्रेम गर्नेहरुलाई भाग्यमा भन्दा पनि विश्वास र बुझाईमा भर पर्ने सन्देश प्रवाह गरिएको बताए । डान्सिङ नम्बरको सार्वजनिक भिडियोमा मोडलद्वय अनु पराजुली र लोमस शर्माले ठुम्का लगाएका छन् । फर्पिङ आसपासका विभिन्न स्थानमा छायांकन गरिएको छ । भिडियोलाई विनोद बमले निर्देशन गरेका छन् । सम्पादन तथा कलरको काम पनि निर्देशक विनोदको नै छ । https://www.youtube.com/watch?v=-df6Nqeqymw