लामो समयसम्म एकै ठाउँमा बसिरहने, कम्प्युटरमा काम गर्ने, व्यायाम नगर्ने लगायतका विभिन्न कारणले ढाड दुख्ने समस्या आउने गर्दछ । ढाड दुखाइले काममा बाधाका साथै दैनिक जीवनयापनमा समेत समस्या आउँछ ।
शारीरिक कसरत र शारीरिक गतिविधि नगर्दा ढाड दुख्ने गर्दछ । ढाड दुख्ने समस्या दैनिक जीवनमा गर्ने कार्यहरुसँग जोडिएको हुन्छ । यसका साथै, भोकै रहने बानीले पनि शरीरमा उर्जा कम हुन्छ । शरीरलाई उर्जा प्रदान गर्ने तत्वको कमि हुँदा पनि ढाडमा समस्या आउ सक्छ । साथै भोकले मांसपेशीमा नोक्सान पुग्न सक्छ । यसले मेरुदण्डमा दबाब पैदा गर्छ ।
मेरुदण्डमा धेरै असर परकै कारण ढाड दुख्ने समस्या आउँछ । यस अलावा भिटामिन डीको कमिले पनि ढाड दुख्ने समस्या आउन सक्छ । त्यसैले बेलाबेलामा भिटामिन डीको मात्रा परीक्षण गराइरहनु पर्दछ । यसका साथै, शारीरिक रुपमा सक्रिय रहँदा पनि यसको समस्या कम हुन्छ । मुख्यत, एउटै पोजिशनमा नबस्ने, हिँडडुल गरेमा पनि ढाड दुख्ने कम हुन्छ ।
