काठमाडौं—लोकप्रिय पप गायक विजय लामाले ‘नलाउ भन्छु माया’ बोलको गीतको भिडियो सार्वजनिक गरेका छन् । गायक तथा संगीतकार संजिब पुडासैनीको शब्द तथा संगीतमा तयार भएको गीतमा शैलेन्द्र प्रधान बाबुको एरेन्ज रहेको छ । गीतमा किशान श्रेष्ठको मिक्सिङ र मास्टरिङ रहेको छ । भिडियोमा प्रिया रानी लामा र राजु ग्याबकको अभिनय रहेको छ । प्रेम, रोमान्स र धोकालाई नजिकबाट केलाइएको गीतको भिडियोमा त्रिकोणात्मक प्रेम कथा देखाइएको छ । जसमा गायक लामा कलाकारका रुपमा नयाँ भूमिकामा देखा परेका छन् । फराज अर्पणको छायांकन, सम्पादन र निर्देशन रहेको भिडियोको छायांकन पर्यटकीय नगरी नगरकोटमा गरिएको हो । गायक लामाका ‘तोङ्बाको तातो पानी’, ‘नखानु पानी तोङ्बाको’, ‘ए कान्छी तिमीलाई’, ‘भोलि फर्की आउँछु आउँदिन’लगायतका गीत लोकप्रिय छन् । गीतको भिडियो उनको आफ्नै च्यानल बिजय लामा अफिसियलबाट बजारमा ल्याइएको हो । https://www.youtube.com/watch?v=Vqo4Rm8fKi4