मुम्बई— करिब दुई महिनादेखिको लामो कानूनी झमेलापछि अभिनेता तथा निर्माता विजय बाबूले बुधबार केरल उच्च न्यायालयबाट अग्रिम जमानत पाएका छन् । विजयमाथि अभिनेत्रीद्वारा बलात्कारको आरोप लगाएकी थिइन् । जसकारण उनी दुई महिनादेखि जेलमा थिए । अभिनेतालाई जून २७ मा पुलिस जाँच दल समक्ष उपस्थित हुन आदेश दिइएको छ । अदालतले प्रहरीलाई विजयसँग सोधपुछका लागि जून २७ देखि जुलाई ३ सम्मको समय दिएको छ । अदालतले अभिनेता विजयलाई कुनै पनि अवस्थामा राज्य नछोड्न आदेश दिएको छ । गत अप्रिल २२ मा कोझीकोडकी एक अभिनेत्रीले एनार्कुलममा उजुरी दर्ता गराउँदै कोच्चीको एक फ्ल्याटमा विजयले आफूमाथि कैयौं पटक बलात्कार र कुटपिट गरेको आरोप लगाएकी थिइन् । यो घटना बाहिर आउनासाथ विजयले आफ्नो सामाजिक सञ्जालमा लाइभ आउँदै यो मामलामा आफू वास्तविक पीडित भएको दाबी गरेका थिए । उनले अभिनेत्रीको नाम लिँदै आफू उचित कानूनी कदम उठाउने बताएका थिए । प्रहरीले प्राथमिक उजुरीका अलावा उजुरीकर्ताको नाम सार्वजनिक गरेको विषयमा अभिनेताविरुद्ध दोस्रो मुद्धा पनि दर्ता गरेको छ । —आपकीखबर