मुम्बई—अभिनेता सलमान खान बलिउडमा केही न केही कारणले चर्चा र विवादमा आइरहन्छन् । उनको चर्चा र विवादप्रति विशेषतः फ्यानको सधैं चासो रहिरहन्छ । केही समय अघि उनलाई ग्याङस्टार लरेन्स विश्नोइले गायक सिद्धु मोसेवाला जस्तै हत्या गरिदिने धम्कीसहितको पत्र उनका पिता सलीम खानलाई दिएका थिए । यिनै सलमानको विषयमा ज्योतिषी पण्डित जगन्नाथ गुरुजीले नयाँ खुलासा गरेका छन् । कोइमोइलाई दिएको एक अन्तरवार्तामा उनले सलमान आफ्नो करियरको सबैभन्दा खराब समयको साक्षी हुने उल्लेख गरेका छन् । ‘उनको नयाँ फिल्म टाइगर ३ ले दर्शकलाई आकर्षण नगर्न सक्छ र उनी पुनः एकपटक राधेः द मस्ट वान्टेड भाइ’को जस्तै असफलता पाउन सक्छन्’, गुरुजीले भनेका छन् । उनका अनुसार आगामी केही वर्षसम्म सलमानलाई उनका ग्रहले साथ दिने छैन । उनले राहु तेस्रोको तेस्रो घरमा हुने मौसमी संयोजनका कारण सलमानमा नकारात्मक प्रभाव पर्ने बताए । ‘उनमा केही मानसिक दबाब पनि पर्न सक्छ । तर यो समयावधि बितेपछि सलमान पुरानै लयमा फर्किनेछन् । त्यसपछि उनी सधैं अपराजय नै रहनेछन्’, उनले भनेका छन् । ज्योतिषीले सलमानको स्वास्थ्य अवस्थाका बारेमा पनि खुलासा गरेका छन् । ‘सलमानले केही वर्ष स्वास्थ्यमा पनि ख्याल राख्नुपर्नेछ । उनलाई विभिन्न रोग लाग्न सक्छ र होसियारी नअपनाएमा केही शल्यक्रिया पनि गर्नुपर्ने हुन्छ’, ज्योतिषीले भनेका छन् । —बलिउडलाइफ