लसएञ्जल्स—अमेरिकी स्टेण्डअप कमेडियन तथा अभिनेता बिल कस्बीलाई नाबालिगका साथ यौन उत्पीडन मामलामा अदालतले दोषी ठहर्याएको छ । गत मंगलबार क्यालिफोर्नियाको अदालतले उनलाई दोषी ठहराएको हो । बिलमाथि सन् १९७५ मा एक नाबालिगका साथ प्लेब्वाइ मेन्सनमा यौन शोषण गरेको आरोप लागेको थियो ।
अदालतले बिलमाथि ५ लाख रुपैंयाँ डलर जरिवाना लगाएको छ । एक महिलाले बयान दिँदै कमेडियनले उनी र उनकी साथीलाई आफ्नो मेन्सनमा बोलाएको बताएकी थिइन् । त्यो बेला ती महिला १६ वर्षकी थिइन् र कमेडियन ३७ वर्षका थिए । त्यही बेला बिलले उनलाई यौन शोषण गरेका थिए । ती महिला अहिले ६४ वर्षकी भइन् ।
अदालतको निर्णयबाट महिला खुशी छिन् । यद्यपि कस्बीले आफूमाथि लागेको आरोपलाई गलत भनेका छन् । उनले आफू निर्दोष रहेको दाबी गरेका छन् । महिलाले बिलविरुद्ध सन् २०१४ मा मुद्धा दायर गरेकी थिइन् ।
बिल जेलबाट रिहा भएको एक वर्षपछि यो फैसला आयो, जब पेन्सिलवेनियाको उच्च अदालतले एक अलग आपराधिक मामलामा कमेडियनलाई यौन उत्पीडनको सजाय खारेज गरिदिएको थियो ।
महिला क्यालिफोर्निया कानून अनुसार यदि कसैका साथ बाल्यकलामा शोषण भयो भने ठूलो भएपछि पनि मामला दर्ता गराउन सकिनेछ ।
बिल उनको कमेडी शो ‘द कस्बी शो’का लागि चिनिन्छन् । यसमा उनले एक प्रिय पिता र पतिको भूमिका निर्वाह गरेका थिए । यो शोले उनलाई ‘अमेरिका ड्याड’को उपनाम दिएको थियो । बिलमाथि ५ दशकमा करिब ५० बढी महिलाले यौन उत्पीडनको आरोप लगाएका छन् ।
प्रकाशित मिति: बिहीबार, मंसिर ८, २०७९ ०८:४९
प्रतिक्रिया दिनुहोस्
